ASP

slide 1

Slide 2

Slide 3

Slide 4

Slide 4

Slide 4

Te rejat e Fundit

Certifikohen në bashkëpunim me ASPA stafet politike të bashkive

Rreth 120 punonjës të Njësive të Qeverisjes Vendore, morrën pjesë dhe u certifikuan në përfundim të programit të trajnimit të organizuar nga Akademia e Studimeve Politike, në bashkëpunim me Shkollën Shqiptare të Administratës Publike (ASPA) në periudhën 2016-2017. Nëpërmjet trajnimeve profesionale, por edhe diskutimit të problematikës dhe zgjidhjeve përkatëse të vetë pjesëmarrësve të bashkive të ndryshme, u synua që të rriten më tej njohuritë dhe aftësitë drejtuese të këtyre strukturave vendore.

Drejtorët e Shkollave nisin organizimin e Forumit Botëror për Demokraci 2017

Takimi vjetor i drejtorëve të 21 Shkollave Politike të Këshillit të Evropës u zhvillua më 1-2 qershor 2017 në Ljubjanë, Slloveni më qëllim koordinimin më të mirë mes shkollave si dhe zhvillimin strategjik të këtij rrjeti të rëndësishëm dhe unikal të edukimit elitar dhe forcimit të demokracisë në vendet në tranzicion.

Ambasadori zviceran thirrje maturantëve për të votuar

Ambasadori zviceran në Tiranë, z. Christoph Graf dhe znj. Zamira Gjini, drejtoreshë e Arsimit Parauniversitar pranë Ministrisë së Arsimit dhe Sportit ndoqën nga afër sot ushtrimin e votimit në shkollën e mesme "Asim Vokshi", në Tiranë. Personalitetet ishin ftuar gjithashtu për të drejtuar disa mesazhe sensibilizuese për maturantët e kësaj shkolle të cilët do të votojnë për herë të parë në zgjedhjet e 25 qershorit.

Kreu i KiE i ftuar në fushatën edukuese të votuesve për herë të parë

Shefi i zyrës së Këshillit të Evropës në Tiranë, z. Claus Neukirch ndoqi sot nga afër ushtrimin e votimit të maturantëve të shkollës së mesme “Ismail Qemali”, në Tiranë, në kuadër të projektit për edukimin e votuesve të rinj për zgjedhjet e 25 Qershorit. Qëllimi i kësaj vizite ishte jo vetëm vëzhgimi i procesit, por edhe transmetimi i mesazheve sensibilizuese për nxënësit dhe të rinjtë në përgjithësi mbi rëndësinë e pjesëmarrjes në votim si dhe evitimin e fenomeneve negative që janë shfaqur në zgjedhjet e kaluara.

Integrimi evropian në fokusin e kursit të tretë të Shkollës

Kursi i tretë kombëtar i Shkollës Shqiptare të Studimeve Politike u zhvillua në Durrës nga datat 5-7 Maj 2017. Tematika "Shqipëria dhe rruga e saj drejt integrimit evropian" u trajtua nga lektorë dhe ekspertë të mirënjohur vendas dhe te huaj.

Akademia nis edukimin e votuesve për herë të parë - 2017

Akademia e Studimeve Politike ka nisur të zbatojë në muajin mars programin e edukimit të votuesve për herë të parë në zgjedhjet e ardhshme për kuvend. Programi do të zbatohet në të gjitha shkollat e mesme të vendit (356 shkolla) duke arritur tek mbi 34 mijë maturantë, të cilët kanë mbushur rishtazi moshën 18 vjeçare dhe kanë fituar të drejtën për të votuar.

Zhvillohet kursi i dytë i shkollës mbi lidershipin dhe përfaqësimin politik

Kursi i dytë kombëtar i Shkollës Shqiptare të Studimeve Politike me temë “Lidershipi dhe përfaqësimi politik”, u zhvillua në datat 7-9 Prill 2017 në Gjirokastër. Nëpërmjet ekspertizës më të mirë të sjellë nga ekspertët vendas dhe ndërkombëtarë të fushës si dhe diskutimeve të hapura, pjesëmarrësit e programit patën mundësinë që të thellojnë njohuritë dhe trajnohen mbi aspekte të rëndësishme të karrierës së tyre.

Debatohet në Tiranë mbi eksperiencat antikorrupsion në Ballkan dhe vendet e Vishegradit

Takimi i Tiranës nën nismën "Forumi antikorrupsion i Ballkanit Perëndimor" u mbajt më 17 mars 2017 në ambjentet e Innovation Hub Tirana. Mbi 40 politikanë të rinj, individë të zgjedhur dhe përfaqësues nga administrata publike dhe lokale, biznesit dhe medias, diskutuan rreth strategjisë antikorrupsion dhe ndikimin e korrupsionit në rritjen ekonomike në Shqipëri dhe në rajon.

Zhvillohet kursi i parë i shkollës mbi fushatat elektorale

Kursi i parë kombëtar i Shkollës Shqiptare së Studimeve Politike u zhvillua në Pogradec nga data 10-12 mars 2017. Ekspertët e ftuar në këtë kurs ndanë me pjesëmarrësit njohuritë dhe eksperiencat më të mira nga praktika vendase dhe ajo botërore.

ASP realizon sondazhin per edukimin zgjedhor

Akademia e Studimeve Politike po realizon javët e fundit një sondazh me qëllim identifikimin e nevojave specifike për informim dhe edukim zgjedhor të votuesve. Studimi po realizohet në bashkëpunim me Komisionin Qendror të Zgjedhjeve dhe Prezencën e OSBE në Tiranë falë kontributit të Agjencisë Zvicerane për Zhvillim dhe Bashkëpunim

Prapa

Tjetra