ASP

slide 1

Slide 2

Slide 3

Slide 4

Slide 4

Slide 4

Te rejat e Fundit

Trajnime per stafet politike te bashkive te reja

Kursi i katërt i trajnimit drejtuar stafeve politike të njësive të qeverisjes vendore u zhvillua më 17-18 shkurt 2017 në Durrës, me pjesëmarrjen e përfaqësuesve të bashkive Durrës, Shijak, Kukës, Berat, Ura Vajgurore, Kuçovë, Skrapar, Poliçan, Elbasan, Belsh, Gramsh, Peqin dhe Librazhd. Diskutimet dhe shembujt konkretë nga praktika, ngjallën debat tek pjesëmarrësit, të cilët vinin nga bashki të ndryshme, por ndajnë të njëjtat probleme.

Prezantohen punimet kërkimore të alumnëve të Shkollës

Pesë punime kërkimore me fokus monitorimin e politikave në nivel vendor u prezantuan sot në një konferencë, e cila mblodhi së bashku vendimmarrës, politikëbërësve dhe aktorë të tjerë të rëndësishëm. Diskutimi i gjetjeve të këtyre punimeve me aktorët kryesorë synoi replikimin e shembujve pozitivë në njësi të tjera vendore si dhe përmirësimin e praktikave të hasura

Prezantohet monitorimi i zbatimit të ligjit të Efiçencës së Energjisë përgjatë vitit 2016

Një punim monitorues mbi zbatimin e ligjit të Efiçencës së Energjisë u prezantua sot në një tryezë të rrumbullakët me qëllim nxitjen e një diskutimi konstruktiv mes aktorëve të ndryshëm në këtë sektor. Një vit pas hyrjes në fuqi të këtij ligji ka ende shumë punë për të bërë në respekt të detyrimeve të përcaktuara prej tij si dhe zotimeve të marra përsipër nga institucionet shqiptare.

Diplomohet gjenerata e dhjetë e shkollës politike

Ceremonia e diplomimit të gjenetës së dhjetë të Shkollës Shqiptare të Studimeve Politike u zhvillua në Shkodër më 17 dhjetor 2016. Një grup prej 26 udhëheqësish të rinj politikë, aktivistëve civilë dhe nëpunësve publikë përfunduan me sukses ciklin njëvjecar të studimit dhe iu bashkangjitën rrjetit të alumnëve të Shkollës.

Zhvillohet kursi i dytë i trajnimit për njësitë vendore

Kursi i dytë i trajnimit drejtuar stafeve politike të njësive të qeverisjes vendore u zhvillua më 9-10 dhjetor 2016 në Durrës, me pjesëmarrjen e përfaqësuesve të bashkive Lezhë, Kurbin, Mirditë, Dibër, Mat, Bulqizë, Klos, Fier, Patos, Roskovec, Lushnjë, Divjakë, Mallakastër.

Njoftim për aplikantët e rinj të Shkollës

Duke falenderuar kandidatët e shumtë që kanë dorëzuar aplikimin e tyre, dëshirojmë t’i njoftojmë se procesi i seleksionimit për fazën e intervistimit do të kryhet në ditët në vazhdim. Aplikantët do të njoftohen brenda dates 6 dhjetor 2016 për caktimin e datave të intervistimit në javën e ardhshme.

Alumnët diskutim me drejtuesen e parlamentit zviceran

Njohja e modelit unik zviceran të demokracisë së drejtpërdrejtë ishte tema kryesore e diskutimit të alumnëve të Shkollës me znj. Christa Markwalder, kreun e Parlamentit të Zvicrës, të zhvilluar në ambientet e Qendrës për Hapjen dhe Dialog

Shkolla shqiptare pjesë e Forumit Botëror për Demokracinë 2016

Pjesëmarrësit e Shkollës Shqiptare të Studimeve Politike morrën pjesë nga 6-10 nëntor 2016 në Forumin e pestë Botëror për Demokracinë, i organizuar nga Këshilli i Evropës në Strasburg. Ky event mblodhi së bashku rreth 2000 persona pjesëmarrës të 21 Shkollave të Studimeve Politike nën temën kryesore "Edukimi si përballje e sfidave të reja të demokracisë". Forumi u përshëndet nga sekretari i Përgjithshëm i Këshillit të Evropës z. Thorbjorn Jagland si dhe kryeministrja norvegjeze znj. Erna Solberg dhe ministrja franceze e Arsimit, znj. Najat Vallaud-Belkacem.

Akademia nis ciklin e trajnimeve për stafet politike të bashkive

Akademia e Studimeve Politike në bashkëpunim me Shkollën Shqiptare të Administratës Publike (ASPA), nisi ciklin e ri të trajnimeve për Njësitë e Qeverisjes Vendore. Kursi i parë u zhvillua më 28-29 tetor 2016 në Durrës, me pjesëmarrjen e përfaqësuesve të bashkive Shkodër, Vau Dejës, Pukë, Fushë Arrëz, Malësia Madhe, Korcë, Maliq, Pogradec, Devoll, Pustec dhe Prrenjas, duke patur si qëllim uljen së bashku të autoriteteve të bashkive me ngjyra të ndryshme politike dhe pozicion gjeografik, të cilat ndajnë të njëjtat sfida dhe problematika.

Hapet thirrja për aplikime në Shkollën e Studimeve Politike 2017

Akademia e Studimeve Politike shpall thirrjen për aplikime për pjesëmarrësit e rinj të programit "Shkolla Shqiptare e Studimeve Politike". Kandidatët janë të mirëpritur që të ndjekin udhëzimet e mëposhtme për të plotësuar dokumentet e nevojshme dhe dorëzuar aplikimin e tyre brenda datës 14 Nëntor 2016, ora 16.00, në adresën e Akademisë.

Prapa

Tjetra