E Hene, 25 Nentor 2013

Përfaqësuesit e Shkollës Shqiptare të Studimeve Politike do të marrim pjesë nga data 26 – 29 Nëntor 2013 në Forumin Botëror të Demokracisë në Strasburg, një eveniment madhor që organizohet nga Këshilli i Evropës çdo vit.

Tema kryesore e sivjetshme e Forumit është “Rilidhja e Demokracisë: Të lidhim institucionet dhe qytetarët në epokën dixhitale”. Sesionet nën-tematike do të shërbejnë për të ofruar një platformë të vërtetë për diskutim e shkëmbim përvojash ndërmjet figurave publike, ekspertëve politikë e akademikë, parlamentarëve vendas e evropianë, si dhe përfaqësuesve të zgjedhur lokalë bashkë me aktivistët e shoqërisë civile, studiues, e përfaqësues nga publiku me synimin për të identifikuar përgjigje të mundshme ndaj sfidave që lindin në shoqëritë e sotme.

Forumi Botëror për Demokraci shërben edhe si një vend kryesor për të vendosur kontakte e krijuar rrjetëzime ndërmjet politikanëve, ekspertëve, medias e aktivistëve të shoqërisë civile duke kontribuar kështu në përfshirje e aktivitete bashkëpunimi në të ardhmen në nivel rajonal e të tjera nivele.

Me shume detaje ne: http://www.coe.int/en/web/world-forum-democracy/home